Saturday, April 2, 2011

காலவெளி

என் கண்ணுக்கெட்டிய தூரத்தில்
சுமார் பதினான்கு வயதுப்
பேரழகியாய்த் தோன்றியவள்
ஓரோர் வயது முதிர்ந்தவளாய்
கிட்ட வந்தடைகையில்
சுமார் அறுபது வயதுப் பேரழகு

சுமார் மூன்று நிமிடத்தில்
நான் கண்டது; அவளுடைய
நாற்பத்தாறு வருடங்கள்.
அல்ல, நாற்பத்தாறு ஆண்டுகள்தாம்
மூன்று நிமிடமாய் மயங்குகிறதோ?

நிச்சயிக்க முடியவில்லை; ஆனால்

என் கண்முன்னால் அந்தப் பேரழகு
எதுவும் பேசாமல்
என்னைக் கடந்து மறைந்தது மட்டும்
நிச்சயமான உண்மை

0 comments:

  © Blogger templates The Professional Template by Ourblogtemplates.com 2008

Back to TOP