Saturday, June 22, 2013

நீர்க் குடம்

ஆசையோடு புகுந்து
நிரம்பிய குடத்தைத்
தன் ஆழத்துள் வைத்துக்கொள்ள
ஆர்வமாய் இழுக்கும்
குளத்தை
எதிர்த்துத்
தூக்கிக்கொண்டன வளைக்கரங்கள்
அலம்பித் திமிறித்
துள்ளிக் குதித்து விழுந்த நீரை
பாராட்டி அணைத்துக் கொண்டே
அலைமோதி அரற்றிற்று குளம்
குடத்து நீரும் அவள் இடுப்பில்
விக்கி விக்கி
அழுதுகொண்டே போயிற்று எனினும்
சமாதானிக்கவே
சமன் நிலையே நோக்கிச் சென்றனர்
குளமும், அவள் இடுப்புக்
குடமும்

0 comments:

  © Blogger templates The Professional Template by Ourblogtemplates.com 2008

Back to TOP