உனது சட்டை

உனது சித்து உடம்பிற்கு
எப்போதும் பெரிதாகவே இருக்கிறது
உனது போஷகனுடைய சட்டை

அது பளபளப்பு குறையவில்லை
கிழிந்து காலாவதியாகி விடவில்லைதான்
வேறு எந்தக் குறையுமில்லைதான்
ஆனாலும் அதன் சைஸ்… அந்த ஒன்றுதான்…

உன் உடற்கட்டு பிரமாதம் அல்லதான் என்றாலும்
உனக்கே உனக்கென்றிருக்கும் உடல்!
அதற்கென்றும் ஒரு அழகு இருக்கிறதே!
அதை ஒரேயடியாய் புறக்கணிக்கலாமா?

ஏழைதான் நீ என்றாலும்
விடாதே
கொஞ்சக் காசையாவது செலவழி
அந்தச் சட்டையையே உன் சட்டைக்கான
மூலப்பொருளாக்கி விடு