கோவணம்

வளர்ச்சியினைக் கண்டு மதனி சிரிக்க,
எனக்குள்ளே ’ஆண்மை’ எரிய, என்னை
கைக்குள்ளிருக்கும் சிசுவாகவே கண்டு
அம்மா அவள் பாட்டுக்குத் தேய்த்துக் குளிப்பாட்ட
கூடப் படிக்கிற பையன் ஒரு நாள் பார்த்துவிட்டுப்
பள்ளியெங்கும் ’வெட்கம்’ பரப்ப…
தீர்மானமாய் எடுத்து அணிந்து கொள்ளவிடாதபடி
ஏதேதோ தயங்க வைக்க,
ஒரு நாள்
அம்மாவின் அசப்பில்
மதனியைக் கண்டபோதோ
வெடுக்கென அணிந்து கொண்டேன்?
ஒரு நாள்
மதனியின் அசப்பில்
அம்மாவைக் கண்ட போதோ
மீண்டும் இந்த அம்மணங் காத்தேன்?