தன் குறையுணர்ந்த மனிதன்

வியத்தகு மட்டை வீரச் சிறுவனுக்கு
போலியோ கால்கள்.
அவனது குறி எப்போதுமே ஃபோர் சிக்ஸ்தான்!
அல்ல, அல்ல, ஆறு மட்டுமேதான்.

அதீத சுரணைமிக்கோன், விழிப்புடையோன்.
வீழ்த்தவரும் எல்லாப் பந்து வீச்சுக்களையும்
நேர் கொண்டு விளாசும் தீரன்.
என்றாலும்
எதிர்ப்படும் எவரையும்
அது காயப்படுத்தி விடக்கூடாது.
துடித்துக் கொண்டிருக்கும் எவர் கைகளிலும்
அது அகப்பட்டு விடவும் கூடாது.
காணும் முகமனைத்தும் ஒரே மலராய் மலரும்படி
பந்து வானுயர்ந்து
தன் எல்லை விட்டும் நீங்க வேண்டும்.
அதுவே அவன் குறிக்கோள்.
அது ஒன்றே.