நொண்டிக் குதிரை *(ஆப்பிரிக்கப் பழங்கதை ஒன்றைத் தழுவியது)

தன்னந் தனியாய்ப் பாய்ந்துசெல்லும்
ஒரு குதிரையை
அது பார்த்ததில்லை

நொண்டிக் குதிரை அது
தான் நொண்டி என்பதையே உண்டு வளர்ந்தது
வலிமைமிக்க ஒரு கொழுகொம்பை நாடியே
எப்போதும் அலைந்தது நொண்டி நொண்டி

சிங்கத்தைக் கண்டு நட்புக்கொண்டது
ஒரு நாள் யானை ஒன்று
சிங்கத்தைத் தலைக்குப்புறத் தூக்கி எறிந்தது
அன்று முதல் நம் நொண்டிக் குதிரை
யானையிடம் சென்று நட்புக் கொண்டது

ஒருநாள் வேட்டைக்காரனொருவன்
துப்பாக்கியில் பதறியது யானை
ஓடிப்போய்ச் சேர்ந்துகொண்டது
அவனோடு நம் நொண்டிக் குதிரை

அன்றுமுதல் காணப்பட்டது
கண்பட்டை கடிவாளங்களுடன்
அவனுடைய லாயத்தில்