இனி என்ன கவலை எனக்கு?

நான் இன்ன மதத்தின் தீவிரப் பற்றாளி
ஆகவே வாங்கிவிட்டேன் சொர்க்கத்திற்கு டிக்கெட்டு
இனி என்ன கவலை எனக்கு?

நான் இன்ன குழுவின் தீவிர உறுப்பினன்
ஆகவே ரொம்ப விபரமானவன், மனிதாபிமானி, முற்போக்கு
இனி என்ன கவலை எனக்கு?

எமக்குத் தொழில் எதிர்த்து நிற்றல்
ஓர் ஆலை முதலாளி
என்னை எடுத்துக்கொண்டார் என் வீரத்திற்காக.
கும்பிடு.
பயமுறுத்தல் மிரட்டல் மற்றும்
கொலைகளும் செய்வேன் இனி
இனி என்ன கவலை எனக்கு?