அவ்வப்போது

திருடர்கள் காவலர்கள் உடையில்
இணக்கவாதிகள் கலகக்காரர்களாய் அபிநயித்து
நலவாழ்வு மற்றும் லகுபுகழின் மடியில்
இருள்சிறை வதைகளின்
கலகக்காரர்களைக் காட்டிக் காட்டியே
புதியவர்களைப் பழக்குகின்றன
பெரியவர்களின் கைவிரல்கள்.
நாம் பார்க்காததா?
எத்துணை பெரிய கடவுளானாலும்
அவரை மண்ணைக் கவ்வ வைக்க
நமக்கா தெரியாது?
கணினிகள் கொட்டிக் கொட்டிக்
கணினிகளாகின்றன பிஞ்சு மூளைகள்.
கலைமகள் திருமகள் அருளாசிகளால்
பெரியதொரு விபச்சார விடுதியாகிவிட்ட
உலகுக்குள்
அவனும் வந்துபோகிறான்
அவ்வப்போது