துள்ளித் துள்ளி…

எந்த ஒரு இசையை எழுப்புகிறது
மத்தளத் தோல் போல்
இழுத்துக் கட்டப்பட்ட இந்தக் கம்பளம்?
அறிவான் போலவே தெரிகிறது
ஓரமாய்க் காசு வாங்கிக் கொண்டு
அமைதியாய் அமர்ந்திருக்கும்
அதன் படைப்பாளி வியாபாரி.

குழந்தைகள் மட்டுமே
இணைந்து ஆடக்
காத்திருக்கும் கொண்டாட்டம்!

மண்ணோடும் விண்ணோடும்
பாய்ந்து பாய்ந்து
தொட்டுத் தொட்டும்
விலகி விலகியும்
உருண்டும் புரண்டும்
துள்ளித் துள்ளி
மனிதர்கள் சுதந்திரமாய் ஆடும் நடனம்!