சிறு நகர்வும் இயலாதபடி

சிறு நகர்வும் இயலாதபடி
அறையப்பட்டது போன்ற நிச்சலனம்.
விரிந்த ஈரப்பதமான துணிமீது
அனலூட்டப்பட்ட இரும்பின் இயக்கம்.
இப் பிரபஞ்சத்தின்
கர்ப்பக்கிரகக் கட்டுப்பாட்டறையாக
மூளையெங்கும் கனலும் ஓர் அழுத்தம்

அவன் விழி திறந்தது
இயந்திரமொன்றின் மூடித்திறப்பாகியது!
அறை வீடு வீதி யாவும்
கனன்றன அந்தக் கட்டுப்பாட்டறையாக.
அவன் தள்ளப்பட்டிருந்தான்
ஒரு மாபெரும் பொறியியல்
தொழில்நுட்பனாய் அங்கே