பொழுது

அகம் வெடித்தழிந்த புரட்சிக் கணம்.

பொற்கிண்ணத்தில்
பொழிந்துகொண்டிருக்கும் அமுதம்.

புள்ளினங்கள் மிழற்றி ஆடும்
பொன்னூஞ்சல்.

கண்காணாத் தழற் பிழம்பில்
பொன்னுருகிப் புவிபரவும் வேளை.

மூலமுதலாய் நிகழும்
பொற்றீண்டல்.

தூய பசுங் கண்விழிப்பு.

அன்பும் அழகும் மட்டுமே
ஒளிர்கின்ற பெருவெளி.

ஆண்டுகள் கோடி ஆனாலும்
பொய்க்காது வந்து
முத்தமிடும் காதல் பரிசு.