அருவிக் கரையில்

பீச்சுக்கு நீலப் புடவை
பொருட்காட்சிக்குச் சிவப்பு
கருப்புப் புடவை கண்ணெதிரே
’அருவிக் கரைக்கு எதை உடுத்த’?

’அம்மணத்தை மறைக்கும்
கருப்புப் புடவை வேண்டாம்டி,
வெள்ளைப் புடவை உடுத்தெ’ன்றேன்

கொட்டும் அருவி பிடித்து
மனம் மலை ஏறும் ஒரு மூச்சாய்

குளிக்க
நெருக்கியடிக்கும்
கூட்டம் மோதி
அருவி கருக்கும்;
இவள் கூந்தலோடு கூந்தலைப் போல்
தொற்றிக் கொள்ளும்
ஒரு கருப்பு இவளையும்