நிலவு கீத வெள்ளத்திலே

தந்திக் கம்பிகள்
மீட்ட
சித்திரக் கையுடன்
வளைந்து நெளிந்து குழைந்து
தன் இசையில்
தானே லயித்து
மயங்கி நிற்கும் வேப்பமரம்.
சாலையிலே
வாய்சிந்திச் செல்லும் மனிதர்.
அப்பாவி
விளக்கு மரங்களின்
ஒற்றை ஒற்றைப் பூக்கள்.
விட்டு விட்டு வந்துபோகும்
வாகன
சப்தக் கொடி நுனிக்
கவிதைப் பூக்கள்:
ஸ்வ சித்ரங்கள்.
கறுத்த சிலுவைகளாய்க்
கூடிக் குழுமித்
தோளோடு தோளாய் கையோடு கையும்
கோர்த்துக் கோர்த்து நிற்கும்
கருக்குமட்டைப் பார்வையாளர்கள்.