பாலையிலே விளைந்த சோலை
தகிக்கும் பாலை
கால்களைக் கெஞ்சக் கெஞ்ச
தண்ணிக் குடங்க ளேந்தி வரும் அவளை
வாரி விட்டு விடாய் தீர்க்க
வழி பார்த்து நிற்கும் பாறைகள்-
ரௌடித்தனமாய்
மேகக் குடங்க ளேந்தி நடந்த
மின்னல் கொடி யொன்று
மலையிலே இடறி
ஆறு ஒன்று ஓடுது
அதோ... அதோ...
பயந்தபடியே ஆயிடிச்சா?
சரி சரி,
தடுக்கி விழுந்த அவளெங்கே?
செத்தே போனாள்?
ஆடும் நதி ஆகவும்,
பாடும் பயிர் பச்சை பறவைகளாகவும்
எழுந்தாளோ?
காலை வாரிக் காரியம் சாதித்த
கயவனையும் காதலிலே
முழுக்காட்டுகின்றாளோ?
