குழிப்பந்து

எந்த ஒரு குழியிலும் அமரவிரும்பாது
உருள விரும்பும் பந்தின் சோகம்
அறியாதவர்கள் அந்தச் சிறுவர்கள்

உருண்டோடும் பந்து
ஏதாவதொரு குழியில் அமரும்
எந்த ஒரு குழியிலும் அமரவில்லையெனில்
திரும்பத் திரும்ப உருட்டப்படும்

குழிப்பந்தெடுத்துத் தாக்குவதற்கும்
தாக்குதலினின்று தப்பிப்பதற்கும்
எப்போதும் துடிப்போடிருக்க வேண்டும்
அது ஒரு விளையாட்டு அவர்களுக்கு